自從有咗小怪獸s之後，我同大怪獸之間嘅對話難免圍繞住佢哋，其中有唔少係假設性問題，怪獸試過問我：
「第二時阿仔鬧你傷心啲吖，定我鬧你傷心啲呀？」
「第二時阿仔做咗波牛，個個星期要你中午12點去睇佢踢波你會點呀？」
我又會問返怪獸︰
「第二時阿女去學芭蕾舞，你會同佢紥咩辮呀？」
「第二時兩個一齊扭抱，你會點呀？」
以上呢啲情況都係我哋而家幻想出嚟㗎啫，未必真係會發生㗎，不過得閒諗定先又冇壞喎，咁無論心理定生理都可以做定少少準備先嘛。
個情況就好似買保險咁，都係諗住一旦有咩意外發生嗰陣可以多少有返啲保障啫。保險都有分好多種，呢條片入面介紹嘅係比較少人討論嘅家居保。呢啲野以前做女嗰陣邊使我理㗎，屋企兩老會搞掂㗎啦。到近年有自己嘅屋企，先開始留意家居保，較全面嘅會包「樓宇結構」、「家居財物」同「第三者責任保險」。買邊間都好，記得留意保障範圍同條款，揀份最啱自己需要嘅先最化算。
#保聯同學會 #家居保 #樓宇結構 #家居財物 #第三者責任保險
Search